Allerqologiya

Allergologiya — immun sisteminin müxtəlif maddələrə qarşı həddindən artıq həssas reaksiyalarının (allergiyaların) diaqnostikası, müalicəsi və profilaktikası ilə məşğul olan tibbi ixtisas sahəsidir. Allergik xəstəliklər orqanizmin normalda zərərsiz hesab edilən maddələrə qarşı qeyri-adi immun cavabı nəticəsində yaranır.

Allerqoloqlar mövsümi allergiyalar (polen allergiyası), allergik rinit, bronxial astma, qida allergiyaları, dərman allergiyaları, arı və digər həşərat sancmalarına qarşı reaksiyalar, dəri allergiyaları (ürtiker, atopik dermatit), kontakt allergiyalar və digər immun mənşəli xəstəliklərin diaqnostika və müalicəsini həyata keçirirlər.

Allergoloji müayinələr zamanı xəstənin şikayətləri və tibbi tarixçəsi qiymətləndirilir, allergenləri müəyyən etmək üçün dəri testləri, qan analizləri (spesifik immunoqlobulin E – IgE), allergoloji sınaqlar və digər müasir diaqnostik üsullardan istifadə olunur.

Müalicə xəstəliyin növündən və ağırlıq dərəcəsindən asılı olaraq allergendən uzaqlaşma tədbirləri, dərman müalicəsi, immunoterapiya (allergenə qarşı spesifik müalicə), inhalyasiya terapiyası və digər fərdi yanaşmaları əhatə edir.

Müasir allergologiyanın əsas məqsədi allergik xəstəliklərin erkən aşkarlanması, simptomların nəzarətdə saxlanılması, xəstələrin həyat keyfiyyətinin yaxşılaşdırılması və allergik reaksiyaların qarşısının alınmasıdır.