Mərkəzi Klinika kollektivi Azərbaycanın ümummilli lideri Heydər Əliyevin məzarını ziyarət edib.
Müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin vəfatından 17 il keçir. Mərkəzi Klinika kollektivi Fəxri xiyabana gederək ümummilli lider Heydər Əliyevin xatirəsini ehtiramla yad edib, məzarı önünə əklil qoyublar. Eyni zamanda görkəmli oftalmoloq-alim, akademik Zərifə Əliyevanın da xatirəsi yad olunub, məzarı üzərinə tər güllər düzülüb.