01.10.2015 tarixində Mərkəzi Klinika Xəstəxanada Dr. Kamran Musayev başda olmaqla Klinikanın ortoped və kardiocərrahi komandası tərəfindən sağ əlin replantasiya əməliyyatı uğurla icra edilmişdir.
Xəstə 01.10.2015 tarixində evdə dəmir kəsərkən ehtiyatsızlıq nəticəsində dəmirkəsən motorlu mişarla (laqonda) sağ əlini kəsmişdir. İlk olaraq 3 saylı şəhər xəstəxanasına aparılıb. İlk yardım olunuduqdan sonra xəstə Mərkəzi Klinikaya xəstə yaxınları tərəfindən gətirilmişdir.
Amputant Kişner telləri vasitəsilə fiksasiya olunduqdan sonra Dr. Kamran Musayev başda olmaqla kardiocərrahi həkim heyəti tərəfindən əlin volar səthində arterial qövsdən hər barmağa gedən arteriyalar (5 ədəd) ayrı ayrılıqda tikildi. Daha sonra əlin dorsal səthində 4 ədəd vena tikilərək əlin qan dövranı bərpa edildi. Damarlar bərpa olunduqdan sonra barmaqların qan dolaşımı yoxlanıldı və qənaətbəxş olduğu görüldü.
Sonra öncə əlin bayır səthində uzun və qısa ekstensor vətərlərin distal və proksimal ucları tapılaraq uc uca tikildi. Daha sonra əlin iç səthində səthi və dərin fleksor vətərlərin distal və proksimal ucları tapılaraq hər biri müvafiq olaraq uc - uca tikildi və beləliklə həm bükücü , həm də açıcı vətərlərin tamlığı bərpa olundu. Sonra median sinir, ardınca əzələlər tikildi. Barmaqların təkrari kompartman olmaması üçün barmaqlarda boylama kəsiklər aparıldı. Daha sonra dərialtı və dəri seyrək tikişlərlə tikildi, aseptik sarğı qoyulduqdan sonra sağ ələ langet tipli gips sarğısı tətbiq edildi. Əməliyyat uğurla başa çatdı.
Amputasiya olunmuş üzvün hazırlanma və daşınma qaydaları:
- Amputasiya olunmuş üzvün yeri (güdül) fizioloji məhlulla yuyulub təmizlənir.
- Güdül fizioloji məhlulla isladılmış steril salfet ilə sarğı edilir.
- Amputasiya olunmuş üzv (amputant) fizioloji məhlulla yuyulub təmizlənir.
- Amputant fizioloji məhlulla isladılmış steril nəm salfetə bükülür.
- Hazırlanmış amputant steril (olmazsa nonsteriləlcəyin içinə salınır və əlcək şişirdilərək bağlanır.
- İçində amputant olan əlcək buzlu su ilə dolu qaba qoyulur.
- Xəstə və hazırlanmış amputant təcili olaraq ən yaxında olan replantasiya ilə məşğul olan ixtisaslaşmış tibb mərkəzinə aparılır.
- İlk öncə amputant 5 ədəd Kişner teli ilə kəsildiyi nahiyəyə düzgün şəkildə fiksasiya edildi. Sonra başda Dr.Kamran Musayev olmaqla damar cərrahları tərəfindən əlin iç səthində barmaqlara gedən 5 ədəd arteriya damarı tikildi və sonra dorsal səthində 4 ədəd vena tikildi. Daha sonra ortopdilər tərəfdən bükücü, açıcı vətərlər, median sinir, əzələlər tikildi. Dərialtı və dəri seyrək tikişlərlə tikilərək, yaraya aseptik sarğı qoyuldu. Sağ yuxarı ətrafa langet tipli gips sarğısı tətbiq edildi.
Diqqət! Hamilə qadınların, yetkinlik yaşına çatmamış uşaqların, ürəyi zəif olan və həssas insanların aşağıdakı şəkilləri izləmələrini tövsiyyə etmirik!
